• Հայերեն
  • English
  • Русский
  • ქართული
Ջավախք Մեդիա / Հայերեն մայր տարբերակ

Հուլիս 26, 2017

Կարնո աշխարհը իմ սկիզբն է

Ապրիլ 15, 2017

Ես Էրզրումցի Հովհաննեսի շարունակությունն եմ Վիկտոր Հովհաննիսյան անուն-ազգանունով:

Կես դար է, որ Երևանում եմ, բայց մնում եմ Կարին – Նորշեն – Ծղալթբիլա – Երևան ճանապարհն անցած անհատ: Իմ հայերեն խոսքը կառուցված է Կարնո բարբառի հիմքի վրա և արդյունքում` ճիշտ շարադասված հայերենն է: Բարբառները պահպանել է պետք, նրանք մեր հարստությունն են:

Իմ բարբառը իմ ակունքն է, այնտեղ փնտրում եմ իմ սկիզբն ու վերադառնում , որպես այդ սկզբի շարունակություն:

Հայաստանը դեռ չտեսած կարոտում էի նրան: Ախալցխայի Նորշենում ձևավորվում էր այն մանչուկը, որը հետո ամուր պիտի կապվեր Հայաստանին ու նույնիսկ ապրելով Հայաստանում, շարունակեր կարոտել նրան:

Ինչ մասնագիտություն էլ որ ընտրած լինեի (ռեժիսոր, երաժիշտ, գրող, դերասան, նկարիչ, որոնցից որոշակի չափաբաժիններով իմ մեջ կա) լինելու էի նույն մտածողությամբ ստեղծագործողը, տարբեր էր լինելու նյութը: Հաղթեց նկարիչը, որի համաի ուրախ եմ:

Դարձա բեմանկարիչ (աշխատել եմ հանրային հեռուստատեսությունում), գրաֆիկ, գրքի նկարազարդող, զվաղվում եմ կոլաժով: Սակայն իմ մեջ առավել է գեղանկարիչը:

Այս ցուցահանդեսը իմ երրորդ անհատականն է նկարիչների միության ցուցասրահում:

Ներկայացնում եմ գեղանկար, գրաֆիկա, կոլաժ:

Կերպարվեստը իմ տարերքն է, այն միայն մասնագիտություն չէ: Նկարելիս դառնում եմ հոգսերից ազատված ու երջանիկ մարդ: Օրվա ավարտը, եթե կիսատ է մնացել անելիքս, ցանկալի վիճակ չէ: Գիշերը անհանգիստ է անցնելու:

Ներշնչանքս բնությունն է, մարդը որակյալ երաժշտությունն ու իմ հոգեվիճակը: Եթե դրանք կան, պատրաստ եմ ընկղմվելու կտավի սպիտակ մաքրության մեջ ու կենդանացնելու այն:

Ունեմ թեմատիկ աշխատանքներ, որտեղ ազգի անցյալն է այսօրվա շեշտադությամբ: Անցյալից ազատվելու միակ ելքը, այն լուծելն է, իսկ լուծումը` կորցրածի վերադարձը: Արևմտյան Հայաստանը երբևիցէ մեզնից չի օտարվի հանուն լավ հարևանության: «Դարձ ի շրջանս յուր», «Գերված Արարատի լուսաբացը», «Անցյալը` ներկա», «Լռության պատարագ» կտավները, «Ընդհատված մեղեդի», փրկության, կորստի ու հավերժի աղոթք-կոլաժները և գրաֆիկական մի շարք գործեր նշված թեմայով են:

Երբ պատանեկան տարիքում մտածում էի մասնագիտություն ընտրելու մասին, նկարիչը վերջին տեղում էր, համոզված էի, որ իսկական նկարիչը ամենագետ ու բազմակողմանի օժտված անհատ պետք է լինի: Մեծացա ու ավելի համոզվեցի, որ դեռ պատանի` ճիշտ էի: Նկարիչը միայն պատկեր վերարտադրող չէ: Եթե քո ներքին էներգիան չի տեղափոխվել կտավ, իզուր է ներկածդ սպիտակությունը:

Տարիների փորձն ու որոշակի վարպետությունը հանգեցնում է մի որակի, որի ժամանակ ավելորդ մասերը չեն նկարվում և կտավի պարունակությունը սկսում է դառնալ մեկ ամբողջություն:

Սա նկարչությունն է:

Երկրորդ անգամ ծնվելիս, ես իհարկե կլինեմ դարձյալ նկարիչ, որպեսզի շարունակվեմ եղածիս հիմքով:

Զարմանալի կյանք, մինչև ինչ որ բան սովորում ես, գալիս է ավարտի ժամանակը: Իսկ սովորածդ, որ պիտի փոխանցվեր նորելուկին, անկախությունից հետո դա տեղի չունեցավ: Մեր շարունակությունը սկսեց հեծանիվ հորինելուց: Եղավ երկարատև պարապուրդ և հետընթաց: Սերտածը նորից սերտվեց: Ու շարունակվում է սրտվել:

Սխալներ են արվում ու ժամանակ վատնվում շտկման համար: Պետք չէ ջնջել եղածը, այն պահպանելով ապահովում ենք առաջընթացը: Այդպես է բոլոր բնագավառներում: Ունեցել ենք հարուստ մանրանկարչություն, երաժշտություն, ճարտարապետություն: Օգտվել է պետք այդ պաշարից ու առաջանալ: Այս դեպքում, լինելով ազգային, կլինես նաև համամարդկային:

Ազգային մտածողության հիմքը լեզուն է: Այն կբերի մյուս բոլոր բնագավառներում երևույթի ճիշտ ընկալմանը: «Բարի լույսը» չի կարող «Բարի առավոտով» փոխարինվել, ինչպես մեզ համառորեն հրամցնում են ռադիո և հեռուստաեթերները: Երբ բարի լույս եմ նկարում, դա այլ ուժ է: Հայերենում այս բառը խորիմաստ է և պետք չէ էժանացնել «բարի առավոտ» օտարից թարգմանված բառակապակցությամբ:

Բնանկարը իմ տարերքն է, իմ երաժշտական վիճակը: Նկարում եմ պահը, տրամադրությունը և ցանկանում այն փոխանցել դիտողին, պարգևել նրան հոգու հանգստություն ու հաճելի զգացողություն:

Ստեղծագործողի մոտ կա եռամիասնություն հասկացությունը: Երբ սիրտը ասում է, թե ինչ է ուզում, ուղեղը գիտե ինչ տեսքով պատկերել, իսկ ձեռքն էլ գիտե ինչպես իրագործել:

Եթե այս երեքը գործում են համատեղ, ուրեմն ինչ որ բան արդեն անում ես:  Արտադրանքդ կլինի սահուն, գունային ու գծային, հորինվածքդ համոզիչ, պարզ, բայց ոչ պարզունակ:

Գույնը, ինչպես և մեղեդին ունեն իրենց հերթականությունը, կեղծ վիճակը կամ աչք է ծակելու կամ ականջ է սղոցելու:

Ուսումնական հաստատությունում սովորում ես կանոնները, իսկ կյանքում կանոնի հիմքի վրա ձեռք ես բերում վարպետություն, մոռանում կանոնը և առաջ մղում զգացողությունը:

Սա գեր վիճակ է:

Ամենացանկալի:

Հաճելի և շատ եթերային:

Կարո՞ղ ես, օգտվիր այդ վիճակից ու արարիր:

Տեր կանգնիր քո արարմանը:

Վիկտոր Հովհաննիսյան

Գեղանկարիչ

Թատրոնի, կինոյի, հեռուստատեսության նկարիչ

www.Akhaltskha.net

http://javakhkmedia.com/?p=8642 » Սա կարճացված հղում է:



Ջավախքի լրահոս


Համահայկական ուսանողական ռազմական բանակումին մասնակցեցին նաև ջավախքցի ուսանողները

Հուլիս 24, 2017

7 օր շարունակ՝ հուլիսի 12-18-ը, Արցախի Հադրութի շրջանի Տող գյուղում համախմբվել էին ՀՀ տարբեր բուհերի, ինչպես նաև Ջավախքի և Արցախի ուսանողները՝ մասնակցելու արդեն չորրորդ անգամ կազմակերպվող Համահայկական ուսանողական ռազմական բանակումին։ Լեռնային Ղարաբաղի Հանրապետության պաշտպանության բանակի 9-ը պաշտպանական շրջանները խորհրդանշող ջոկատների միջև մրցակցային սկզբունքով անցկացվեցին ռազմագիտական գործնական պարապմունքներ՝ կրակային, մարտավարական, ֆիզիկական, ինչպես նաև ինտելեկտուալ, մարզական, մշակութային […]

Կարդալ մնացածը »

Արևմտահայության թվաքանակի և Արևմտյան Հայաստանի բնակչության էթնիկական կազմի հարցերը

Հուլիս 22, 2017

ՀՀ ԳԱԱ Հայոց ցեղասպանության թանգարան–ինստիտուտի գիտաշխատող, պ.գ.թ. Ռոբերտ Թաթոյանի «Արևմտահայության թվաքանակի և Արևմտյան Հայաստանի բնակչության էթնիկական կազմի հարցերը XIX դարի 90-ական թթ. կեսերին Հայկական հարցի սրման ժամանակաշրջանում» հոդվածում («Ցեղասպանագիտական հանդես», 4 (2), Երևան, 2016, էջ 7-42) ուսումնասիրության են ենթարկվում 1890-ական թթ. կեսերին մերձավորարևելյան ճգնաժամի և Հայկական հարցի շուրջ ծավալված գործընթացների համատեքստում օսմանյան իշխանությունների, Մեծ Բրիտանիայի, […]

Կարդալ մնացածը »

Բաքու-Թբիլիսի-Կարսը բախվեց հայկական խնդրի՞

Հուլիս 21, 2017

Թուրքիայի տարածքում Բաքու-Թբիլիսի-Կարս երկաթուղու հատվածը նախատեսվում է ավարտել 2017 թվականի վերջին, հայտարարել է Թուրքիայի մաքսային եւ առեւտրի նախարար Բյուլենտ Թյուֆենկջին Ադրբեջան-Վրաստան-Թուրքիա եռակողմ հանդիպմանը: Նրա խոսքով, նախկինում կային որոշակի խնդիրներ նախագիծն իրականացնելու հարցում, բայց դրանք արդեն վերացված են, եւ աշխատանքները ընթանում են արագացված ռեժիմով: Ինչպես ավելացրել է թուրք նախարարը՝ շինարարությունն ավարտված է 85 տոկոսով: Բաքու-Թբիլիսի-Կարս երկաթուղու […]

Կարդալ մնացածը »

Մոխե գյուղում մեկնարկեց մզկիթի շինարարությունը

Հուլիս 21, 2017

Ադիգենի մրջանի Մոխե գյուղում մեկնարկեց մզկիթի շինարարությունը, որը ղեկավարվում է մուֆտիի գլխավորությամբ:  Մեկ շաբաթ առաջ  Օթառ Միքելաձեի բակում ավարտվեց մզկիթի հիմքի պատրաստությունը: «Էքսկավատորի  խնդիր ունեինք, դրա համար էլ մի քանի օր դադարեցրինք աշխատանքները: Կբերեն շինարարական նյութերը և կշարունակենք աշխատանքը»,-ասում է Օթառ Միքելաձեն: Արևելյան Վրաստանի Մուֆտի Բեգլար Քամաշիձեյի խոսքերով շինարարությունը իր վրա վերցրել է մուֆտիների վարչությունը […]

Կարդալ մնացածը »

Ջավախքի լրահոս »

Ջավախքի օրացույց

Jan
1
Երկ
2018
all-day Ամանոր
Ամանոր
Jan 1 all-day
Ամանոր
Շնորհավոր ձեր նոր տարին, տղաք ջան: Թող գալիք տարին հաջողություն եւ երջանկություն բերի բոլորիս: Բոլորիդ մաղթում ենք տոնական հիանալի օրեր եւ նոր ձեռքբերումներ նոր տարում:
Jan
6
Շաբ
2018
all-day Սուրբ Ծնունդ
Սուրբ Ծնունդ
Jan 6 all-day
Սուրբ Ծնունդ
Քրիստոս ծնավ և հայտնեցավ, մեզ և ձեզ մեծ ավետիս Այսօր, հունվարի 6-ին Հայ Առաքելական Եկեղեցին նշում է Հիսուս Քրիստոսի Ծննդյան ու Աստվածահայտնության տոնը, որը Հիսուսի ծննդյան և մկրտության հիշատակումն է: Առավոտյան, մատուցվում է Սբ. Պատարագ,[...]
Apr
24
Երք
2018
all-day Մեծ Եղեռնի զոհերի հիշատակի օրը
Մեծ Եղեռնի զոհերի հիշատակի օրը
Apr 24 all-day
Մեծ Եղեռնի զոհերի հիշատակի օրը
Մեծ Եղեռնի զոհերի հիշատակի օրը նշվում է ամեն տարի ապրիլի 24-ին (1915-ի այդ օրը թուրքական իշխանությունները Կ. Պոլսում ձերբակալել և աքսորել են հայ մտավորականների առաջիմ մեծ խումբը)։ Ծիծեռնակաբերդի բարձունքում Մեծ Եղեռնի զոհերի հուշահամալիրի կառուցումից հետո,[...]
May
26
Շաբ
2018
all-day Վրաստանի անկախության տոնը
Վրաստանի անկախության տոնը
May 26 all-day
Վրաստանի անկախության տոնը
Վրաստանը մայիսի 26-ին նշում է անկախության օրը: 1918 թ. մայիսի 26-ին Վրաց ազգային խորհուրդը Թիֆլիսում հռչակեց Վրացական Դեմոկրատական Հանրապետության ստեղծումը: Հանդիսավոր միջոցառումներ տեղի կունենան Թբիլիսիում եւ երկրի 25 քաղաքներում: Երկրի ղեկավարությունը հատուկ ուղերձով կշնորհավորի ժողովրդին:Թբիլիսում[...]
May
28
Երկ
2018
all-day Հայաստանի Առաջին Հանրապետության ...
Հայաստանի Առաջին Հանրապետության ...
May 28 all-day
Հայաստանի Առաջին Հանրապետության տոնը
Հայաստանի առաջին հանրապետությունը հռչակվել է 1918 թ-ի մայիսի 28-ին և գոյատևել մինչև 1920 թ-ի դեկտեմբերի 2-ը: ՀՀ տարածքը հռչակման պահին 12 հզ. կմ2 էր, բնակչությունը՝ 700 հզ., 1919 թ-ին՝ համապատասխանաբար՝ 60 հզ., 961,7 հզ. կմ2,[...]
Jan
1
Երք
2019
all-day Ամանոր
Ամանոր
Jan 1 all-day
Ամանոր
Շնորհավոր ձեր նոր տարին, տղաք ջան: Թող գալիք տարին հաջողություն եւ երջանկություն բերի բոլորիս: Բոլորիդ մաղթում ենք տոնական հիանալի օրեր եւ նոր ձեռքբերումներ նոր տարում:
Jan
6
Կիր
2019
all-day Սուրբ Ծնունդ
Սուրբ Ծնունդ
Jan 6 all-day
Սուրբ Ծնունդ
Քրիստոս ծնավ և հայտնեցավ, մեզ և ձեզ մեծ ավետիս Այսօր, հունվարի 6-ին Հայ Առաքելական Եկեղեցին նշում է Հիսուս Քրիստոսի Ծննդյան ու Աստվածահայտնության տոնը, որը Հիսուսի ծննդյան և մկրտության հիշատակումն է: Առավոտյան, մատուցվում է Սբ. Պատարագ,[...]
Apr
24
Չոր
2019
all-day Մեծ Եղեռնի զոհերի հիշատակի օրը
Մեծ Եղեռնի զոհերի հիշատակի օրը
Apr 24 all-day
Մեծ Եղեռնի զոհերի հիշատակի օրը
Մեծ Եղեռնի զոհերի հիշատակի օրը նշվում է ամեն տարի ապրիլի 24-ին (1915-ի այդ օրը թուրքական իշխանությունները Կ. Պոլսում ձերբակալել և աքսորել են հայ մտավորականների առաջիմ մեծ խումբը)։ Ծիծեռնակաբերդի բարձունքում Մեծ Եղեռնի զոհերի հուշահամալիրի կառուցումից հետո,[...]
May
26
Կիր
2019
all-day Վրաստանի անկախության տոնը
Վրաստանի անկախության տոնը
May 26 all-day
Վրաստանի անկախության տոնը
Վրաստանը մայիսի 26-ին նշում է անկախության օրը: 1918 թ. մայիսի 26-ին Վրաց ազգային խորհուրդը Թիֆլիսում հռչակեց Վրացական Դեմոկրատական Հանրապետության ստեղծումը: Հանդիսավոր միջոցառումներ տեղի կունենան Թբիլիսիում եւ երկրի 25 քաղաքներում: Երկրի ղեկավարությունը հատուկ ուղերձով կշնորհավորի ժողովրդին:Թբիլիսում[...]
May
28
Երք
2019
all-day Հայաստանի Առաջին Հանրապետության ...
Հայաստանի Առաջին Հանրապետության ...
May 28 all-day
Հայաստանի Առաջին Հանրապետության տոնը
Հայաստանի առաջին հանրապետությունը հռչակվել է 1918 թ-ի մայիսի 28-ին և գոյատևել մինչև 1920 թ-ի դեկտեմբերի 2-ը: ՀՀ տարածքը հռչակման պահին 12 հզ. կմ2 էր, բնակչությունը՝ 700 հզ., 1919 թ-ին՝ համապատասխանաբար՝ 60 հզ., 961,7 հզ. կմ2,[...]

Պիտակներ